أطعمهم من أجل سعادتك و سعادتهم

صوم شهر و خد ثواب التاني مجانا

 مرحب شهر الصوم مرحب لياليك عادت بأمان

بعد انتظارنا وشوقنا إليك جيت يا رمضان

مرحب بقدومك يا رمضان ونعيش ونصومك يا رمضان

  مشتاق للجنة؟؟؟ مشتاق للحبيب محمد صلى الله عليه وسلم؟؟؟ نفسك ترجع تقرب من ربنا و تحيي إيمانك من جديد؟؟؟ نفسك ربنا يغفرلك ذنوب ومعاصي بتزيد كل يوم؟؟؟ وحشك الخشوع بين يدي الله؟؟؟ وحشك البكاء من حبه وخشيته؟؟؟ 

طب ماهي الفرصة جاية....رمضان خلاص قرب و هلت لياليه و هلت معاها الفرحة والخير والبركة... إيه رأيك تصوم شهر و تاخد ثواب التاني مجانا!!!!

طب تيجي إزاي دي؟؟ 

 بسيطة جدا إنك تفطر كل يوم صائم و تشاركنا في عمل شنط رمضان اللي بيكون فيها مواد تموينية بتكفي أسرة فقيرة أغلب أيام رمضان بكده ان شاء الله تاخد ثواب صيامك و كمان ثواب كل فرد من أفراد الأسرة دي فطرته لأ ده انت مش بس فطرته دا انت كمان دخلت فرحة على بيت من بيوت المسلمين، وفرجت كرب أب و أم مغلوب على أمرهم مش لاقيين اللي يأكلوا بيه عيالهم و مالهمش في الدنيا غير الدعاء، و رسمت ضحكة جميلة على وجوه أطفال مساكين حرمتهم الظروف من حاجات كتيرة.

لأ و في حاجة كمان انت مش بس أسعدتهم انت أسعدت نفسك كمان لأن رسولنا الكريم قال :"أطعموا الطعام تدخلوا الجنة بسلام" و قال كمان :"اتقوا النار ولو بشق تمرة".

 بس يا سيدي شفت الثواب قد إيه!!! وكل ده مقابل إيه ده مقابل مبلغ احنا بندفعه في مرة واحدة نخرج مع صحابنا.

 يللاااااااا متفكرش كتير دي كنوز حسنات يعني بإيدك تزرع الخير و خليك فاكر ما نقص مال من صدقة. 

مكونات الشنطة بالكيلو:

ممكن تشاركنا عن طريق:                             

1)    انك تتبرع بالمال مقابل إيصالات رسمية.

2) يا سلااام لو تشاركنا بالمجهود في التعبئة والتوزيع والله بتكون في قمة المتعة صحيح بنتعب بس بيكون ده ألذ و أجمل تعب عشان بتشتغل عند ربنا.

3)    لو عندك جراج أو مكان نستخدمه في التعبئة والتخزين لحد آخر رمضان شارك بيه.

4) لو كنت صاحب مصنع أغذية أو تعرف صاحب مصنع أغذية اطلب منه يتبرع لنا بيها أو يبيعهالنا بأسعار مخفضة.

5)    انك تتبرع بشنط جاهزة فيها المواد التموينية المختلفة.

6)    انشر الفكرة وسط كل اللي تعرفهم فالدال على الخير كفاعله.

7)    ادعي لنا ربنا يتقبل منا ويوفقنا ويرزقنا الإخلاص.

 آآآه في حاجة تانية عندنا مشروع تاني صغير في حجمه لكن كبير في قيمته وهو "إفطار صائم على الطريق" بوجبة عبارة عن: ( زجاجة مياه معدنية 600مم مثلجة + 3 تمرات ) بتتوزع  وقت الفطار على الصايمين في العربيات على الطريق.... هنحتاج مساعدتك بالتبرع أو شاركنا فى اعداد الوجبات وتوزيعها ....

وسبحان الله  J

المدارس كمان على الابواب السنة دى مع رمضان

شارك معانا تجهيز الطلبة الفقراء والايتام

بالزى المدرسي  والحقيبة  والأدوات

و كل سنة وانتم طيبين J J

نستقبل التبرعات في

مقر الجمعية في 1 ش الشهيد أحمد عطوية النزهة الجديدة    ت/26204774  *

 *أو مركز إبداع في 7 ش عمر الدسوقى - بالقرب من مستشفى تبارك للأطفال - النزهة الجديدة ت /  26206916

   او 0101757159*  

أو على حساب رقم 50 -  20310215702 *

   ،  فرع النزهة الجديدة لصالح الجمعية المصرية للتنمية الإنسانيةNSGB بنك

*أو يمكنكم الاتصال بنا ليصلكم مندوبنا لتلقى التبرعات مقابل إيصالات رسمية .

﴿وما تنفقوا من خير يوف إليكم وأنتم لا تظلمون﴾

الجمعية المصرية للتنمية الانسانية

www.masreya.org

info@masreya.org